“Kurakot na gobyerno, trapong pulitiko,
Pangakong napako, makasariling pamumuno,”
Walang ibang makita o masabi kundi kabulukan-
ng mga lider ng barangay,ng lungsod, ng bayan.

Pero laman ng binggo-han bago pa malamnan ang tiyan,
Bida na ng tsismisan bago sariling bahay’y malinisan,
Maagap, sa pilaha’y masikap, mapa-DSWD o simbahan,
Walang grasyang pinalalampas- umaraw man o umulan.

Mga anak di makatuntong sa kolehiyo kasi mahirap kayo,
Mahal ang matrikula, takot mag-ulam ng asin, suka o tuyo,
Pangarap mo, kabataan, natuldukan- di pa man nasimulan,
Sa kaibigan,bisyo o inuman,naghanap ng masasandigan.

Pang-amoy mo’y manhid gabundok man basurang nakapaligid,
Bingi sa mga tiyang gutom, sa salit’ang ubo, sa singhot ng mga kapatid,
Bulag sa nagsisiksikang paaralan, pamilihan, sakayan, pasyalan,
Panong nalimtan ang kinamulatan? Ba’t di asaming iba ang magisnan?


By Issa

Related Post

3 thoughts on “Bukas sa Payatas”
  1. Yes, it’s spelled without a double s though haha!
    Did you know that a school here in Makati is going to use your poem for Sabayang Pagbigkas? :O
    It’s that good! They are going to credit you, of course. But sana you get to see their work naman po~

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.